Qvardiolanın “Bavariya”dan getməsinin səbəbi məlum oldu

Xosep Qvardiolanın “Bavariya”dan getməsinin səbəbi məlum olub. Futbolxeber.az-ın Almaniya mətbuatına istinadən verdiyi məlumata görə, ispan mütəxəssis Münhen təmsilçisini klubu rəhbərliyi ilə aralarında yaranan fikir ayrılığına görə tərk edəcək. Belə ki, yayda Qvardiola həmin vaxt “Torino”da forma geyən Matteo Darmianın (hazırda “Mançester Yunayted”də çıxış edir), ya da “Portu”dan Danilonun (hazırda “Portu”da forma geyir) transfer olunmasını istəyib. Bu halda Qvardiola Filipp Lamı mərkəzə çəkməyi planlaşdırırdı. Lakin klub rəhbərliyi orta xəttə “Yuventus”dan Arturo Vidalın alınmasına qərar verib.

Qvardiola eləcə də Toni Kroosun “Real”a satılmasına qarşı çıxıb. Lakin rəhbərlik bu məsələdə də məşqçinin istəyi ilə razılaşmayıb. Məhz bu səbəblərdən Qvardiola “Bavariya”dan ayrılmaq qərarına gəlib.