“Real” seçim qarşısında: Konte, yoxsa Kapello?

Tezliklə Madrid “Real”ında baş məşqçi dəyişikliyi ola bilər. Futbolxeber.az-ın məlumatına görə, “Kral klubu”nun namizədlər siyahısında hazırda iki məşqçi var. Söhbət italyanlar - Fabio Kapello və Antonio Kontedən gedir. “Marca” “Real”da baş məşqçi dəyişikliyini ən gec yayda baş tutacağını yazır. Hazırda Italiya yığmasını çalışdıran Kontenin də “Skuadra Adzurra” ilə sözləşməsi məhz Fransada keçiriləcək Avropa çempionatından sonra başa çatır. 46 yaşlı mütəxəssisin özü də Madrid klubunu çalışdırmağın əleyhinə deyil. Lakin Kontenin yeganə müştərisi “Real” deyil. “Roma” və “Çelsi” də italyan mütəxəssislə əməkdaşlıqda maraqlıdır. Konte ilə razılıq əldə olunmayacağı halda isə “Real” Fabio Kapelloya təklif göndərəcək.

Qeyd edək ki, 69 yaşlı mütəxəssis daha əvvəl 2 dəfə - 1996-97 və 2006-07 mövsümlərində Madrid təmsilçisini çalışdırıb. Onun rəhbərliyi altında “Real” 2 dəfə La Liqanın qalibi olub.