“Qalatasaray”ın keçmiş futbolçusu yeni klubunda ayda 2 min avro qazanacaq

“Qalatasaray”ın və İspaniya millisinin sabiq üzvü Albert Riera karyerasını Sloveniyada davam etdirəcək. Futbolxeber.az-ın məlumatına görə, 33 yaşlı futbolçu “Zavrts” klubu ilə anlaşıb. Yeni klubunda o, ayda 2 min avro əmək haqqı alacaq. Bununla da Riera klubunun ən yüksəködənişli oyunçusu olacaq.

Xatırladaq ki, Riera daha əvvəl “Qalatasaray”la yanaşı, “Malyorka”, “Bordo”, “Espanyol”, “Mançester Siti”, “Liverpul”, “Olimpiakos”, “Uotford” və “Udineze” klubların da forma geyib.