Topla ən sürətlə qaçan futbolçuların siyahısı rəsmən açıqlandı

Meksikanın “Paçuka” klubu FİFA-nın razılığı ilə topla ən sürətlə qaçan futbolçuların siyahısını müəyyənləşdirib. Futbolxeber.az-ın məlumatına görə, birinci yerə “Real”ın və Uels millisinin üzvü Qaret Beyl layiq görülüb. Beyl topa nəzarət etməklə saatda 36,9 km sürət yığa bilir. İkinci pillədə qərarlaşan “Paçuka”nın üzvü Yurgen Dammın sürəti 35,23 km/saatdır. İlk “üçlüy”ü isə “Mançester Yunayted”in üzvü Antonio Valensiya qapayır - 35,1 km/saat.

Topla ən sürətlə qaçan 10 futbolçunun siyahısında həmçinin Aaron Lennon (“Tottenhem”), Kriştianu Ronaldo (“Real”), Teo Uolkott (“Arsenal”), Lionel Messi (“Barselona”) Ueyn Runi (“Mançester Yunayted”), Frank Riberi (“Bavariya”) və Serxio Ramos (“Real”) var.