Kaxaber Sxadadze: “Futbolçularım sanki qol vura biləcəklərinə inanmırlar”

Gürcüstan millisinin baş məşqçisi Kaxaber Sxadadze Avro-2016-nın seçmə mərhələsi çərçivəsində Almaniyaya 0:2 hesabı ilə uduzduqları oyunu şərh edib. Futbolxeber.az-ın məlumatına görə, gürcü mütəxəssis oyun ərzində topu özlərində saxlaya bilmədiklərini bildirib: “İkinci hissənin əvvəlinə kimi 2 məcburi dəyişiklik etməli olduq. Əvvəlcə Aleksandr Amisulaşvili sıradan çıxdı. Daha sonra isə Tornike Okriaşvili fasilədə oyunu davam etdirə bilməyəcəyini bildirdi. Bütün bunlar bizə çətinlik yaratdı. Amma əsas problem o idi ki, topu özümüzdə saxlaya bilmirdik. İkinci yarıda daha çox hücum etmək istəsək də, sonluğu gətirə bilmirdik. Futbolçularım sanki qol vura biləcəklərinə inanmırlar. Bu, psixoloji durumla bağlıdır və gələcəkdə bunun üzərində işləməliyik”.

Xatırladaq ki, Gürcüstan - Almaniya matçı 0:2 hesabı ilə başa çatıb.