“Kriştianu Ronaldo “Mançester Yunayted”ə ən tez 2 ildən sonra qayıda bilər”

Tanınmış ispan jurnalist Qilyem Balaqe Kriştianu Ronaldonun “Mançester Yunayted”ə qayıdacağı haqda yayılan xəbərlərə münasibət bildirib. Futbolxeber.az-ın məlumatına görə, Balaqe portuqaliyalı futbolçunun “Real”ı tezliklə tərk edəcəyinə inanmadığını qeyd edib: “Açıq-aşkar görünür ki, “Mançester Yunayted” ciddi şəkildə Ronaldonu geri qaytarmaq istəyir. Elə Kriştianunun özü də Mançesterə dönmək fikrindədir. Lakin bu məsələni müzakirə edənlər zaman baxımından səhvə yol verirlər. Ronaldonun nəinki qarşıdakı yanvar, heç gələn yayda da “Real”dan gedişi qeyri-mümkün görünür. Məncə, Ronaldo “Mançester Yunayted”ə ən yaxşı halda 2 ildən sonra qayıda bilər. O zaman futbolçunun artıq 32 yaşı olacaq. Bu səbəbdən də “Real” Ronaldodan həmin vaxt qazanc götürmək naminə onu satacaq”.