“Rusiyada heç bir komanda həmin “Spartak” kimi futbol oynaya bilmir”

“Bizim vaxtımızdakı “Spartak” indi Rusiya Prmyer Liqasında mübarizə aparsaydı, yenə də çempion olardı”. Futbolxeber.az-ın məlumatına görə, bunu Moskva “Spartak”ının sabiq qapıçısı, hazırda Tula “Arsenal”ında forma geyən Aleksandr Filimonov deyib.

“Sovetski Sport”a verdiyi müsahibədə məşhur qapıçı “Həmin “Spartak” Halk və Vitselli “Zenit”lə bacarardı” sualını belə cavablandırıb: “Əlbəttə. “Zenit” heç ötən mövsüm də çempion ola bilmədi. Əminliklə deyirəm ki, bu gün Rusiyada heç bir komanda həmin “Spartak” kimi futbol oynaya bilmir”.