“Atletiko” “Santyaqo Bernabeu”da 100 qol vuran ikinci komanda oldu

İspaniya Superkuboku uğrunda “Santyaqo Bernabeu”da baş tutan “Real” - “Atletiko” matçı 1:1 hesabı ilə yekunlaşıb. Futbolxeber.az-ın məlumatına görə, Raul Qarsiyanın 88-ci dəqiqədə “Real”ın qapısından keçirdiyi top “Atletiko” üçün yubiley qolu olub. Bu, “Atletiko”nun “Santyaqo Bernabeu”da vurduğu 100-cü qoldur. Bu nəticə ilə “Atletiko” “Real”ın stadionunda 100 qol həddinə çatan ikinci komanda olub. Bu baxımdan liderlik “Barselona”ya məxsusdur. Kataloniya klubu səfərdə “Real”ı 114 dəfə məyus edib.