Çex “Çelsi”də qalır

Petr Çex “Çelsi”ni tərk etməyəcək. Futbolxeber.az-ın məlumatına görə, 32 yaşlı qolkiper komandada qalaraq, Tibo Kurtua ilə rəqabət aparmaq qərarına gəlib. Son illər London klubunun əsas qapıçısı məhz Çex olsa da, baş məşqçi Joze Maurinyo hazırda “Atletiko”dan geri dönən Kurtuaya daha çox şans vermək qərarına gəlib. Premyer Liqanın ilk turunda “Bernli”yə qarşı baş tutan görüşdə də “çərçivə”ni elə Kurtua qoruyub.  

Xatırladaq ki, daha əvvəl Çexin “Real”, PSJ və ya “Monako”dan birinə keçəcəyi barədə xəbərlər yayılmışdı.