“Tottenhem” yeni baş məşqçisiylə 5 illik müqavilə imzaladı

Maurisio Poçettino rəsmən “Tottenhem”in baş məşqçisi təyin edilib. Futbolxeber.az-ın məlumatına görə, London klubu “Sautgempton”un sabiq çalışdırıcısı ilə 5 illik müqavilə imzalayıb. Ötən mövsümü Poçettinonun rəhbərliyi altında 8-ci pillədə tamlayan “Suatgempton” tarixi ərzindəki ən yaxşı nəticəyə imza atıb.

Poçettino “Tottenhem”in baş məşqçisi təyin olunmasını belə şərh edib: “Tottenhem” möhtəşəm tarixə malik olan klubdur. Bu klubu çalışdırmaq şərəfinə nail olduğum üçün şadam. Komandada xeyli sayda yüksəksəviyyəli futbolçu var. İşə başlayacağım anı səbirsizliklə gözləyirəm”.

Xatırladaq ki, 2013/14 mövsümünün sonunda “Tottenhem” rəhbrəliyi çempionatın gedişində Andre Villaş-Boaşı baş məşqçi postunda əvəzləyən Tim Şervudu istefaya göndərib.