Taekvondoçularımız "Batumi Open" turnirində 22 medal qazanıblar

Azərbaycan taekvondoçuları Gürcüstanın Batumi şəhərində keçirilən "Batumi Open" beynəlxalq turnirində 22 medal qazanıblar.

Futbolxeber.az saytına Azərbaycan Taekvondo Federasiyasından verilən məlumata görə, təmsilçilərimiz 8 qızıl, 6 gümüş və 8 bürünc medal əldə ediblər.

Qızıl medalları Ayan Əliyeva (27 kq, "Masallı" TK), Dərya Hüseyinova (30 kq, "İrəvan" TK), Fidan Qəfərova (33 kq, "Mübariz" TK), Rada Əsəd (44 kq, "Mübariz" TK), Rüqəyya Hümbətli (51 kq, "Mübariz" TK), Səbrin Bayramova (52 kq, "Abşeron" TK), Harun Salmanzadə (58 kq, "Mübariz" TK) və Gülnaz Abdullazadə (59 kq, "Cəsur" TK) qazanıblar.

Gümüş medallara Ümid Şahbazov (41 kq, "Neftçi" İK), Ülvi Məmmədov (45 kq, "Ağsu" TK), Zeyd Sadıxov (45 kq, "Mübariz" TK), Esmanur Azayeva (47 kq, "Neftçi" İK), Fərid Xəlimov (48 kq, "Mübariz" TK) və Fatimə Ramazanlı (55 kq, "Abşeron" TK) sahib çıxıblar.

Bürünc mükafatları isə Ümid Aslanov (25 kq, Göygöl İK), Esma Abdullazadə (29 kq, "Ümid" TK), Əhməd Mürvətov (33 kq, "Neftçi" İK), Yaqut İsmayıllı (33 kq, "Abşeron" TK), Nazlı Hacıyeva (37 kq, Göygöl), Malikəjdər Qalabəyov (41 kq, "Mübariz" TK), Elgün Məmmədli (49 kq, "Ümid" TK) və Cavad Heydərli (53 kq, "Masallı" TK) aktivlərinə yazdırıblar.