Bakıdakı UFC-də əsas döyüşün qalibi Halil Rountri oldu

Bu gün Bakıda ilk dəfə olaraq UFC (Ultimate Fighting Championship) turniri keçirilib.

Futbolxeber.az saytının məlumatına görə, yarış Bakı Kristal Zalında (Baku Crystal Hall) təşkil olunub.

İlkin döyüşlərdə Klaudiya Siqula (Polşa), Sok Hyön Ko (Cənubi Koreya), Muhammad Usman (Nigeriya), Darya Jeleznyakova (Rusiya), Pak Çun Yon (Cənubi Koreya) və Taqir Ulanbekov (Rusiya) qələbə qazanıblar.

Əsas görüşlərdə Azərbaycan təmsilçilərindən Nazim Sadıxov Nikolas Mottaya (Braziliya) nokautla qalib gəlib. Tofiq Musayev Mıktıbek Orolbaiyə (Qırğızıstan) uduzub. Rafael Fiziyev isə İqnasio Bahamondesdən (Çili) üstün olub.

Həmçinin Məhəmməd Nayimov (Tacikistan) və Körtis Bleyds (ABŞ) də öz döyüşlərində qələbə qazanıblar.

Bakıdakı əsas qarşılaşmada - yarım ağır çəkidəki görüşdə ABŞ təmsilçiləri Camahal Hill (Jamahal Hill) və Halil Rauntri (Khalil Rountree) üz-üzə gəlib. Duel 5 raund davam edib. Halil Rountri bu döyüşün qalibi olub.

Qeyd edək ki, “UFC Fight Night”da reytinq və gələcək titul namizədlərini müəyyənləşdirən döyüşlər olur.