“Minnesota”nın tarixinə düşdü

Kirill Kaprizov Milli Hokkey Liqasında (NHL) mübarizə aparan “Minnesota”nın tarixinə düşüb.

Futbolxeber.az saytının xarici KİV-ə istinadən verdiyi məlumata görə, o, ardıcıl 2 il mövsüm ərzində 30 dəfə fərqlənməyi bacaran üçüncü “Minnesoto” hokkeyçisidir.  

25 yaşlı forvard “Florida” ilə matçda fərqlənməklə cari mövsüm vurduğu şaybaların sayını 30-a çatdırıb. Rusiyalı hokkeyçi bu nəticəyə 53 oyunda çatıb. Ötən il isə Kaprizov 81 görüşdə 47 dəfə fərqlənmişdi.

Daha əvvəl “Minnesota”nın tarixində yalnız Marian Qaborik və Brayan Roltson ardıcıl iki mövsüm minimum 30 dəfə fərqlənmişdilər.