Viçko Şevel: “Bu, sadəcə ilk dövrədir”

“Düşünürəm ki, çox çətin oyun oldu. “Kəpəz” çox yaxşı komandadır. Amma bizim üçün ən vacibi 3 xal qazanmaq idi. Düzdür, qol vurmaqda çətinlik çəkdik. Yekunda 3 xal qazandıq və çox xoşbəxtik. Komandamla fəxr edirəm”.

Futbolxeber.az saytının məlumatına görə, bu sözləri “Neftçi”nin yarımmüdafiəçisi Viçko Şevel Azərbaycan Premyer Liqasının 11-ci turunda “Kəpəz”ə 1:0 hesabı ilə məğlub etdikləri oyun barədə deyib.

Xorvat futbolçu ilk dövrəni lider kimi bitirmələrinə belə münasibət bildirib: “Bu, sadəcə ilk dövrədir. Biz bu barədə düşünmürük. Sadəcə davam etməliyik. Hər oyunda qalib gəlmək, matçdan-matça irəliləmək istəyirik. Sonda hansı mövqedə olacağımızı görəcəyik. Ümid edirəm ki, çempion olarıq”.

O, növbəti turda “Araz-Naxçıvan”a qarşı keçirəcəkləri matçdan da söz açıb: “Biz “Neftçi”yik və hər oyuna çıxıb qalib gəlməliyik. Məşqçimiz və rəhbərliyimizlə birlikdə soyunub-geyinmə otağında da bu düşüncə tərzinə sahibik. Düşünürəm ki, sadəcə hazırlaşmalı, növbəti oyuna çıxıb qalib gəlməliyik. Ümid edirəm ki, ondan sonrakı matçda da qələbə qazanacağıq”.