Rəcəbov Lirenlə heç-heçə etdi

Teymur Rəcəbov Rusiyanın Xantı-Mansiysk şəhərindəki Dünya Kubokunda ilk final görüşünü keçirib.

Futbolxeber.az saytının məlumatına görə, qrossmeysterimiz çinli rəqibi Dinq Lirenlə qarşılaşıb.

Rəcəbovun ağ fiqurlarla oynadığı görüşün 33-cü gedişində tərəflər heç-heçəyə razılaşıblar.

Reqlamentə əsasən, finalçılar hər gündə bir dəfə olmaqla, daha 3 partiya oynayacaqlar. Qarşıdakı 3 görüşdə də qalib müəyyənləşməsə, dünya kubokunun sahibi adı oktyabrın 4-də keçiriləcək tay-breykdə məlum olacaq.

Qeyd edək ki, yarışın mükafat fondu 1,6 milyon dollardır. Qalib 110 min dollar, finalçı isə 80 min dollar qazanacaq. Rəcəbovla Liren həlledici görüşə vəsiqə qazanmaqla İddiaçılar Turnirində iştirak hüququ da əldə ediblər.