Yeniyetmə boksçuların Azərbaycan birinciliyinə yekun vurulub

Yeniyetmə boksçular arasında Azərbaycan birinciliyinə yekun vurulub. Futbolxeber.az-ın məlumatına görə, Respublika Boks Mərkəzində keçirilən yarışda qalib və mükafatçılar müəyyənləşib. 

 

Böyüklər və gənclərin çempionatından sonra yeniyetmə boksçular arasında da Azərbaycan birinciliyi keçirilib. Bu dəfəki yarışlarda əvvəlki illərlə müqayisədə kütləviliyin daha da artması diqqəti cəlb edib.

 

Ölkəmizin şəhər və rayonlarını təmsil edən 237 idmançı çempionluq uğrunda mübarizə aparıb. Yarışın nəticələrinə əsasən bütün çəki dərəcələrində qaliblər müəyyənləşib. Belə ki, 44 kq çəki dərəcəsində Əli Zamanov, 46 kq-da Maqsud Xasmetov qalib gəlib. Rüfət Fətullayev 48, Cəlal Qurbanov isə 50 kq çəkidə birinci yeri tutub. 52 kq-da Əzrək Bəbirov, 54 kq çəki dərəcəsində isə Elşən Cəbizadə qızıl medala layiq görülüb.Orta çəki dərəcələrində isə Elmir Novruzov, Rüfət Mustafazadə, Səlim Səlimov və Rüfət Nəbiyev fərqləniblər. Nisbətən ağır çəki dərəcələrində isə Cahid Qurbanov, Əmri Novruzov, Adil Vəliyev və Vüqar Səmədov Azərbaycan çempionu adını qazanıb. Komanda hesabında, Rabitə klubu birinci, Neftçi kollektivi ikinci, Sumqayıt boksçuları isə üçüncü yeri tutub.