Filip Yuda: "Orxan Məmmədovun gördüyü işlər sayəsində dünya çempionatı Bakıya verildi"

Bakıda minifutbol üzrə Dünya çempionatının püşkatma mərasimi keçirilir.

Futbolxeber.az saytının məlumatına görə, Dünya minifutbol federasiyasının prezidenti Filip Yuda çıxışı zamanı bildirib ki, ilk dəfə paytaxtımızda 8 il əvvəl olub:

"Həmin vaxt Azərbaycanda minifutbolun inkişafı ilə bağlı müzakirələr aparmışdıq. Dünya minifutbol federasiyası adından Orxan Məmmədovu təbrik edirəm. O, minifutbolun inkişafı üçün müxtəlif tədbirlər təşkil edib. Onun gördüyü işlər sayəsində dünya çempionatını Bakıya verildi. Biz məhz Azərbaycan paytaxtının lehinə qərar verdik. Orxan Məmmədova təşəkkür edirəm ki, minifutbolu Azərbaycanda bu cür inkişaf etdirir. Dünən ölkə çempionatının finalını izlədim. Həqiqətən də möhtəşəm idi. İnanıram ki, Bakıdakı dünya çempionatı da əla təşkil ediləcək. Azərbaycan Minifutbol Federasiyası tədbirin təşkilində fəal iştirak edir. Onlara uğurlar arzulayıram.