“Zirə”nin legionerini iki azyaşlı qız qarət edib

“Zirə” futbol klubunun oyunçusu Mfo Kqasvane qarət edilib.

Bununla bağlı Daxili İşlər Nazirliyi də məlumat yayıb:

“Dekabrın 17-də polisə müraciət edən Botsvana Respublikasının vətəndaşı Mfo Kqasvane pulunun oğurlanmasını bildirib. Araşdırmalarla müəyyən edilib ki, həmin gün saat 17 radələrində N.Rəfibəyli küçəsində 2 azyaşlı ona yaxınlaşıb, sonradan isə o, cibindəki 15 manat və 500 ABŞ dollarının oğurlanmasını aşkar edib. Keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən Yevlax rayon sakinləri olan 2 azyaşlı qız müəyyən edilərək saxlanılıblar. Araşdırma aparılır” (qafqazinfo.az).