Azarkeşləri “Bursaspor”un avtobusuna hücum çəkdi

Millimizin üzvü Dəniz Yılmazın çıxış etdiyi “Bursaspor” klubu arzuolunmaz hadisə ilə üzləşib. Futbolxeber.az-ın məlumatına görə, azarkeşləri sözügedən komandaya hücum çəkib. 

 

Superliqanın XXII turunda səfərdə "Kasımpaşa"ya məğlubiyyət (4-0) azarkeşlərin böyük etirazına səbəb olub. Fanatlar oyundan sonra Bursaya qayıdan komandanın avtobusuna hücum ediblər. Hadisə Osmanqazi körpüsünün yaxınlığında baş verib. Avtobusun dayandığını görən bir qrup azarkeş əlində olan bıçaq və dəyənəklərlə hücuma keçiblər. Onlar avtobusun içərisinə daxil olmağa və futboluların üzərinə hücum etməyə imkan tapıblar.

 

Hadisə nəticəsində bir neçə futbolçu ciddi xəsarətlər alıb. Ən çox ciddi zərbə alan isə qapıçı Harun Təkin olub. Onun sifətində xəsarətin izləri qalıb. Yararılar xəstəxanaya yerləşdirilib.

 

Qeyd edək ki, millimizin üzvü cəzalı Dəniz Yılmaz olduğu üçün matçda iştirak etməsə də, komandaya dəstək olmaq üçün səfərə aparılmışdı.