Elmar Məmməyarov: “Təəssüf ki, “Atletiko” qələbə qazana bilmədi”

Xarici işlər naziri Elmar Məmmədyarov Çempionlar Liqasında dünən keçirilən “Atletiko” - “Çelsi” oyunu barədə danışıb. Futbolxeber.az-ın məlumatına görə, nazir bu barədə bu gün keçirilən mətbuat konfransında deyib. O bildirib ki, dünən təəssüf ki, “Atletiko” oyundan qələbə ilə ayrıla bilməyib. Ancaq 90 dəqiqə meydançada köynəklərində "Land of fire Azerbaijan" yazısı əks olunmuş futbolçular qaçınlar.

Nazir həmçinin bildirib ki, iki ölkə arasında münasibətlər təzə-təzə inkişaf edir. Bir çox sahələrdə ikitərəfli əlaqələrin qurulmasına səy göstərdiklərini deyən Elmar Məmmədyarov İspaniya ilə siyasi münasibətlərin yaxşı səviyyədə olduğunu bildirib. O qeyd edib ki, İspaniya Dağlıq Qarabağ məsələsində bizi həmişə dəstəkləyib.