Yüksək Liqada mövsüm başa çatdı

Bu gün futzal üzrə Yüksək Liqada XX turun oyunları keçirilib.

Futbolxeber.az saytının məlumatına görə, “Record club” yarışdan kənarlaşdırıldığı üçün “Baku Fire” 3 xalı meydana çıxmadan qazanıb.

“Neftçi” bu dəfə meydana legionerlərsiz çıxıb və mövsümə qələbə ilə yekun vurub - 15:6

Yüksək Liqada mövsümün son matçında isə “Araz-Naxçıvan” və U-19 üz-üzə gəlib və çempion növbəti qələbəsini qazanıb - 8:0.

Bununla da Yüksək Liqada 2023-24-cü il mövsümüə yekun vurulub. Son oyundan sonra komandalara mükafatlar təqdim olunub.

Vitali Borisova ən yaxşı baş məşqçi, 57 qol vuran “Neftçi”nin üzvü Reza Abgouna isə ən məhsular oyunçu nominasiyası üzrə mükafat təqdim edilib.

Ardınca “Neftçi” bürünc, “Baku Fire” gümüş, “Araz-Naxçıvan” isə qızıl medallar və çempionluq kubokuna qovuşub.

Mükafatları Azərbaycan Futzal Federasiyasının vitse-prezidenti Elşən Abasov və AFFA-nın baş katibinin müavini Kamran Vəliyev təqdim ediblər.