“İki xal itirməsəydik, yaxşı olardı”

"Araz-Naxçıvan" Azərbaycan Premyer Liqasında X turunda Şamaxı şəhər stadionunda "Zirə" ilə 2:2 hesablı heç-heçə edib.

Futbolxeber.az saytının məlumatına görə, Naxçıvan klubunun baş məşqçisi Yuri Maksimov matçdan sonra keçirilən mətbuat konfransında jurnalistlərin suallarını cavablandırıb:

- Futbolçularıma təşəkkür edirəm. Yaxşı oynadılar. Deyərdim ki, gücləri çatmadı. 3 xal qazansaydıq, təbii ki, yaxşı olardı. Növbəti oyunlara hazırlaşıb yolumuza davam edəcəyik.

- 1 xal qazandınız, yoxsa 2 xal itirdiniz?

- Düşünürəm ki, 2 xal itirməsəydik, yaxşı olardı.

- Futbolçularınız epizodları qaçırırdı. Məsuliyyət çatmır?

- Turnir cədvəlinin sonuncu pilləsində olduğumuz üçün futbolçular həyəcan keçirirlər. Yuxarı pillələrdə olsaydıq, daha yaxşı oyun göstərə bilərdik.