"Məni başqa heç nə maraqlandırmır"

Milli komandamızın futbolçusu Elhad Nəziri Rumıniya mətbuatına müsahibə verib. Futbolxeber.az-ın məlumatına görə, Nəziri yaşını və soyadını dəyişməsi haqda yazılanlara münasibət bildirib.

Nəziri “lipa” olduğunu təkzib edərək, “facebook”dakı profilində təvəllüdünün 1990-cı il kimi göstərilməsinə belə aydınlıq gətirib: "Mənim “facebook”da cəmi 1 səhifəm var. Başqalarını isə mənim adımla açıblar. İnternetdə başqasının adına nə isə açmaq çox asandır”.
"Petrolul”un əsas heyətinə düşməkdə çətinlik çəkən həmyerlimzi ümidini itirmir: "Ümid edirəm ki, debüt şansım olacaq. Bir şeyi deyə bilərəm ki, belə imkanım olanda 2, hətta 3 qat gücümü meydanda qoyacam. Hələ 21 yaşım var və məni futbolda yaxşı karyeramın olmasından başqa heç nə maraqlandırmır. Göstərəcəyəm ki, buna layiqəm”.