“Sabah” "Hapoel"ə məğlub oldu

Bu gün UEFA Çempionlar Liqasında pley-off mərhələsinin ilk oyunlarına yekun vurulur.

Futbolxeber.az saytının məlumatına görə, Azərbaycan təmsilçisi "Sabah" da meydana çıxıb. Valdas Dambrauskasın komandası Buxarestdə Beer-Şeva "Hapoel"i ilə qarşılaşıb. Təmsilçimiz matça erkən qolla başlasa da, yekunda meydanı məğlub tərk edib. 

Komandalar arasında cavab matçı avqustun 25-də Bakıda, Tofiq Bəhramov adına Respublika stadionunda olacaq

Qeyd edək ki, cütün qalib tərəfi Çempionlar Liqasının, məğlub olan isə Avropa Liqasının Liqa mərhələsində çıxış edəcək.

UEFA Çempionlar Liqası

Pley-off, ilk oyun

19 avqust

"Hapoel" (Beer-Şeva, İsrail) - "Sabah" (Azərbaycan) - 2:1

Qollar: Velko Simiç, 6 (0:1), Javon İst, 43 (1:1), İqor Zlatanoviç, 79 (2:1)

Baş hakim: Davide Massa (İtaliya)

Buxarest. "Culeşti" stadionu