"Lider həmişə çempion olmur"

"Komandamız hazırda  2-ci yerdədirsə və liderdən 1 xal geri qalırsa, deməli heç də pis çıxış etmirik. Bu ana olan nəticələrdən, komandanın sərgilədiyi oyundan razıyam". Futbolxeber.az-ın məlumatına görə, bu sözləri "İnter"in prezidenti Georgi Nikolov deyib.

"İnter"in radiosunun qonağı olan Nikolov cari mövsümdə çempionluğa ümid etdiklərini söyləyib: "Hazırda ikinci pillədə qərarlaşmışıq. Çempionluq şansımız da var. Çünki müəyyən vaxt ərzində lider olan komanda həmişə mövsümü birinci yerdə bitirmir. Bu cür nümunələr kifayət qədərdir. Elə götürək, əvvəlki mövsümlərdə qazandığımız çempionluqları. İlk dəfə "Qarabağ"ın müdafiəçisi 35 metrdən fantastik qol vuraraq, bizim yolumuzu açdı. Son dəfə çempion olanda da eyni hal yaşandı".