Berdiyev azarkeşlərdən üzr istədi

“Öncə kubok oyunundakı davranışıma görə azarkeşlərdən üzr istəyirəm. Emosiyalara qapılmağın nəticəsi idi. Oyuna gəldikdə isə, əlimizə düşən fürsətləri dəyərləndirə bilmədik. İkinci qolu vursaydıq, oyunu öz istədiyimiz kimi keçirərdik. Buna görə oyunun sonları dramatik alındı”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının XIX turunda “Karvan-Yevlax”a 1:0 hesabı ilə qalib gəldikləri oyundan sonra deyib.

Daha sonra mütəxəssis jurnalistlərin suallarını cavablandırıb:

- İbrahima Vadji qol vura bilmir. Onun performansı sizi qane edir?

- Əsas odur ki, təhlükəli vəziyyətlər yaradır. Mən ona inanıram. Əminəm ki, qol vuracaq.

- Qapı xəttindəki dəyişikliyin səbəbi nə idi?

- Əsas qapıçımız Oleq Baklov zədəlidir. Kim güclü olacaqsa, o da oynayacaq.