Türkiyə mətbuatı: "Abubakarı əvvəl “Beşiktaş”a aparmışdı, indi “Neftçi”yə..."

Vensan Abubakarın “Neftçi”yə keçidinə Türkiyə mətbuatı da yer ayırıb.

Futbolxeber.az saytının məlumatına görə, duhuliye.com portalı bu keçiddə “Neftçi”nin baş icraçı direktoru Cenk Sümerin böyük pay sahibi olduğunu yazıb.

Qeyd olunub ki, daha əvvəl “Beşiktaş”da çalışan Sümer 2023-cü ildə kamerunlu forvardı İstanbul klubuna geri qayıtmağa razı salmışdı. İndi isə o, Abubakarın “Neftçi”yə gəlişində rol oynayıb.

Portal kamerunlu forvardın Bakı klubuna havayı transfer olunmasını xüsusi qabardıb. Xatırladaq ki, “Neftçi” ulduz futbolçu üçün transfer haqqı ödəməyib.

Türkiyə mətbuatı onu da yazıb ki, Abubakar “Neftçi” ilə 1+1 illik müqavilə imzalayacaq.