“Neftçi” Abubakarın gəlişinin anonsunu verdi

Xəbər verdiyimiz kimi, “Neftçi” artıq kamerunlu hücumçu Vensan Abubakarla prinsipial razılıq əldə edib. 33 yaşlı forvard bu gün Bakıya gələrək flaqmanla müqavilə imzalayacaq.

Futbolxeber.az saytının məlumatına görə, artıq “ağ-qaralar” da Abubakarın gəlişininin anonsunu verib. Belə ki, klubun sosial şəbəkə hesablarında qara fonda “Gəlir” yazılmış foto paylaşılıb.

Paylaşımın Abubakarla bağlı olduğunu təsdiqləyən məqam isə “Gəlir” sözünün ətrafındakı sarı, yaşıl, qırmızı rəngli kiçik xətlərdir. Məlum olduğu kimi, Kamerunun bayrağı da məhz bu 3 rəngdən ibarətdir.