Pərviz Qaraxanov: “Çempionluq yolunda qələbə bizim üçün vacib idi”

“Oyunun əhəmiyyəti bizim üçün çox böyük idi. Hamı məsuliyyətini dərk edirdi”.

Futbolxeber.az saytının məlumatına görə, bu sözləri “Xankəndi”nin futbolçusu Pərviz Qaraxanov II Liqanın IV turunda “Sheki City”ni 1:0 hesabı ilə məğlub etdikləri oyun barədə danışarkən deyib. 

O, komandasının qələbəsini belə şərh edib: “Çox ağır qarşılaşma oldu. Bir nəfər azlıqda qalsaq da, əzmkar oyunla qələbə qazandıq. Rəqib çox ciddi komanda idi. Buna baxmataraq, 3 xal qazandı. Çox sevinirik. Çünki çempionluq yolunda qələbə bizim üçün vacib idi. Bunu gözəl dərk edirdik”.

Qaraxanov növbəti matçlarda da uğurlu çıxışı davam etdirmək istədiklərini bildirib: “Şükür Allaha ki, əziyyətimiz hədər getdi. Əzmkarlıq sayəsində 3 xalı götürdük. Gələcək oyunlarda da əlimizdən gələni edəcəyik. Uğurlu çıxışımızı davam etdirib, çempionluq yolunda irəliləmək istəyirik”.

Xatırladaq ki, 4 turdan sonra maksimum nəticə göstərən “Xankəndi” II Liqada vahid liderdir.