PFL prezidenti: “Qarabağ”a çox inanıram”

“Avrokuboklarda çıxış edən komandalarımızın daha da uzağa getməsi təbii ki, hər birimizin arzusu idi. Püşk də bir az üzümüzə gülmədi. Konfrans Liqasında demək olar ki, hər üç komandamız yetəri qədər tanınmış, köklü klublarla üz-üzə gəldilər”.

Futbolxeber.az saytına açıqlamasında bu sözləri Peşəkar Futbol Liqasının prezidenti Elxan Səmədov Azərbaycan klublarının avrokuboklarda çıxışını dəyərləndirərkən deyib.

O, Çempionlar Liqasında mübarizəni davam etdirən “Qarabağ”a inandığını bildirib: “Qarabağ”a da asan rəqib düşməyib. Sevindirici haldır ki, Ağdam klubu Çempionlar Liqasının Liqa mərhələsinin bir addımlığındadır. Komandamıza çox inanıram və uğurlar arzulayıram”.

Fərəc Aslanov