Dani Bolt rəsmən “Qarabağ”da

“Qarabağ” yeni mövsüm üçün ilk transferini reallaşdırıb.

Futbolxeber.az saytının məlumatına görə, bu barədə Ağdam klubunun mətbuat xidməti açıqlama yayıb.

“Qarabağ” Dani Boltu heyətinə qatıb. 25 yaşlı braziliyalı sağ cinah müdafiəçisi ilə 3+1 illik müqavilə imzalanıb. O, “Qarabağ”da 18 nömrəli forma ilə çıxış edəcək.

Qeyd edək ki, Dani Bolt Portuqaliyanın 2-ci liqa klubu "Torreense"dən transfer olunub. O, başa çatan mövsümdə komandasının heyətində 36 oyuna çıxaraq 2 qol vurub və 3 qolun ötürməsini edib.

Bunadək Braziliyada çıxış edən Bolt yetirməsi olduğu “Fluminense”, həmçinin “Atletiko Paranaense”, “Vitoriya” və “Yuventud”un şərəfini qoruyub.