“Neftçi” “Turan Tovuz”dan ayrılan legionerə maraq göstərməyib

“Turan Tovuz”dan ayrılan Alexandro Serranonun adı bir müddətdir “Neftçi” ilə yanaşı hallanır. Hələ qışdan ispan yarımmüdafiəçinin tezliklə “ağ-qaralar”a transfer olunacağı barədə xəbərlər yayılmışdı. Lakin bu keçid reallaşmayacaq.

Futbolxeber.az saytının məlumatına görə, “Neftçi” Serranonun xidmətində maraqlı deyil. İspan futbolçunun oyun tərzi flaqmanın baş məşqisi Samir Abasovun sisteminə uyğun gəlmir. Bu səbəbdən də “Neftçi” “Turan Tovuz”dan ayrıldıqdan sonra da Serranoya maraq göstərməyib.

29 yaşlı yarımmüdafiəçinin karyerasını Asiya ölkələrindən birində davam etdirəcəyi ehtimal olunur.

Xatırladaq ki, Alexandro Serrano 2023-cü ilin yayında “Turan Tovuz”a transfer edilmişdi.