UEFA ötən il Azərbaycan klublarına nə qədər vəsait ödəyib?

UEFA-nın 2024-cü ildə Azərbaycan klublarına ödədiyi vəsait məlum olub.

Futbolxeber.az saytının məlumatına görə, bu barədə qurumun bu gün keçirilən Hesabat Konfransında məlumat verilib.

Qeyd olunub ki, klublara ümumilikdə 38 milyon 716 min 172 manat ödənilib.

Avropa futbol qurumu tərəfindən "Qarabağ"a 28 milyon 319 min 296 manat, "Zirə"yə 3 milyon 216 min 762 manat, "Sabah"a 2 milyon 561 min 814 manat, "Sumqayıt"a 1 milyon 419 min 053 manat, "Neftçi"yə 878 min 948 manat, "Qəbələ"yə 577 min 585 manat, "Səbail"ə 447 min 668 manat, "Turan Tovuz"a 426 min 696 manat, "Şamaxı"ya 413 min 943 manat, "Kəpəz"ə 413 min 943 manat, "Araz-Naxçıvan"a 40 min 470 manat verilib.