“Xəzər Lənkəran” Mario Souzanın yolunu gözləyir

Bir müddət əvvəl futbolçu axtarmaq üçün Braziliyaya yollanan “Xəzər Lənkəran”ın seleksiyaçı məşqçisi Mario Souza hələ də ölkəmizə qayıtmayıb. Bu haqda Futbolxeber.az saytına “Xəzər Lənkəran”ın mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, Souzanın axtarışları hələ də davam edir və o, ölkəmizə ayın sonunda qayıdacaq. Veteran futbolçu diqqətini cəlb edən futbolçuların siyahısını baş məşqçi Mustafa Dənizliyə təqdim edəcək. Bundan sonra isə klub rəhbərliyi ilə birgə toplantıda hansı futbolçuların komandaya cəlb olunacağı barədə müzakirələrə aparılacaq.