Fernandu Santuş: “İndiyə qədər Azərbaycan millisinin etmədiyini etmək istəyirik”

UEFA Millətlər Liqasının qrup mərhələsi çərçivəsində sabah Estoniya ilə qarşılaşacaq milli komandamızın baş məşqçisi Fernandu Santuş bu gün oyun öncəsi mətbuat konfransı keçirib.

Futbolxeberaz saytının məlumatına görə, portuqaliyalı mütəxəssis jurnalistlərin suallarını cavablandırıb:

- Dünən komanda axşam saatlarında məşq etmişdi. Bugünkü mətbuat konfransının və oyunöncəsi məşqin səhər saatlarına təyin edilməsinin hansısa xüsusi səbəbi var?

- Komandanın bərpa olmaq, daha çox istirahət etməsi üçün belə qərar qəbul etdik. Demək olar ki, 1 həftədir burda məskunlaşmışıq. Səhər də, axşam da məşqlərimiz olub. Komandanı çox yaxşı məşq edib, matça çox yaxşı hazırlaşıb.

- İlk 4 oyundan sonra millimizin aktivində xal yoxdur. Bunu nə ilə bağlayırsınız?

- Son 2 oyunda komanda yaxşı oynadı. Hiss olunur ki, oyunçularımız inkişaf edir. Estoniya ilə oyuna nəzər yetirsək, hər şey yaxşı gedirdi, üstünlük bizim tərəfimizdə idi. Lakin gözlənilməz qollar buraxdıq. Oyunları təhlil edirik, səhvlərimizi görürük. Onların üzərində işləyirik ki, aradan qaldıraq. Slovakiya ilə matçda isə sonda 10 nəfərlə qaldıq. Kiçik deallar nəticəyə təsir edir. Hazırda futbolçular çox istəkli, motivasiyalıdırlar. Sabah əllərindən gələni edəcəklər ki, yaxşı nəticə qazansılar. Həmişə vurğuladığım kimi, məqsəd oyundan oyuna inkişaf etməkdir.

- Millətlər Liqasını xalsız başa vursaq, reaksiyasınız necə olacaq?

- Bu barədə danışmışam. Mənim müqavilə 2028-ci ilə qədərdir. Məqsədimiz yaxşı heyət qurmaqdır. İndiyə qədər Azərbaycan millisinin etmədiyini etmək istəyirik. Daha əvvəl vurğuladığım kimi, gördüyümüz işi 2027-ci ilin sonunda təhlil etmək olar.

- Futbol ictimaiyyətinin fikirləri heyətlə bağlı qərarınıza təsir edir?

- Çempionatın bütün oyunlarını izləyirəm, bütün futbolçuları tanıyıram. Qərarlar yalnız mənə aiddir. Kənardan hər hansı təsir yoxdur. Kimi milliyə layiq görürəmsə, kim komandaya kömək edə biləcəksə, o futbolçuları da çağırıram.