Berdıyev: "Nəticə ədalətli idi"

“Son dəqiqələrdə qol vurmağımıza baxmayaraq, düşünürəm ki, heç-heçə ədalətli nəticə idi”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev “Şamaxı” ilə oyundan (2:2) sonra təşkil olunan mətbuat konfransında deyib.

Daha sonra türkmənistanlı mütəxəssis jurnalistlərin suallarını cavablandırıb:

- Əsas heyətin bir neçə üzvü ehtiyatda idi. Bunun xüsusi səbəbi var idi?

- Miller zədəli idi. Buna görə onu sonradan oyuna buraxdıq. Sadiq Şəfiyevlə Araş Qaderiyə də şans vermək və onları meydanda görmək istədik.

- Qapıçı dəyişikliyi Konovalovun ötən oyundakı səhvinə görə idi?

- Xeyr. Kim özünü məşqdə yaxşı göstərirsə, o da oynayır. Oynamaq üçün özünü məşqdə yaxşı göstərməlisən.

- Komandanın enişdə olduğunu demək olar?

- Xeyr. Düzdür, nəticələr bizi qane etmir. Amma bunu eniş kimi qəbul etmirik.