Rəşad Sadıqovdan qələbə şərhi

"Oyundan qabaq da matçın bizim üçün çətin və gərgin keçəcəyini düşünürdük. Çünki rəqib neçə tur idi ki, uduzurdu. İlk hissədə rəqib çoxlu pressinq tətbiq edirdi. Qapımızda çoxsaylı standart vəziyyətlər də oldu. İkinci hissədə oyun bizim üçün daha rahat keçdi, inamlı qələbə qazandıq. Futbolçuları bu münasibət ilə təbrik edirəm".

Futbolxeber.az saytının məlumatına görə, bu sözləri “Zirə”nin baş məşqçisi Rəşad Sadıqov Azərbaycan Premyer Liqasının 8-ci turunun “Kəpəz”lə görüşündən sonra keçirilmiş mətbuat konfransında deyib.

O, Salifu Sumanı əvəzləməsinə belə aydınlıq gətirib: “Bu, sarı vərəqə ilə bağlı idi. Futbolçuya yaraşmayan vərəqə oldu. Ondan sonra rəqibin futbolçuları ilə 1-2 epizodda mübahisə etdi. Bilirik ki, provakasiyaya gedən futbolçudur. Ona görə də, fasilədə onu dəyişdik”.