“Səbail” iki seçim arasında: “Sivasspor”, yoxsa..?

2024/2025-ci illər mövsümünə hazırlıqlarını davam etdirən “Səbail” Türkiyə toplanışı çərçivəsində daha bir yoxlama oyunu keçirəcək.

Futbolxeber.az saytının məlumatına görə, Şahin Diniyevin komandası hazırlıq prosesi çərçivəsində üçüncü görüşünü iyulun 17-də keçirəcək. Lakin hələlik rəqibin adı məlum deyil. Daha doğrusu, “Səbail” iki variant arasında seçim edir. Təmsilçimiz həmin günü ya “Sivasspor”la üz-üzə gələcək, ya da ilk matçda qarşılaşdığı “Ərzurumspor”la.

Xatırladaq ki, ilk oyununda “Ərzurumspor”a 2:3 hesabı ilə uduzan “Səbail” ikinci matçda Superliqa təmsilçisi “Hatayspor”la heç-heçə edib - 1:1.

Əlavə edək ki, komanda iyulun 18-də Bakıya qayıdacaq.