25 Aprel 2024, Cümə axşamı
Rəşad Sadıqovdan qələbə şərhi
Zubir Liqa 1 klubunun hədəfində
U-17 millimiz Belarusa məğlub oldu
Boksçumuz ermənini məğlub etdi

Ölkə futbolu

“Qorxduğumuz başımıza gəldi”

Azərbaycan Premyer Liqasının 25-ci turunda “Turan Tovuz” səfərdə “Zirə” ilə heç-heçə edib - 1:1.

Futbolxeber.az saytının məlumatına görə, matçdan sonra təşkil olunan mətbuat konfransında Tovuz klubunun baş məşqçisi bərabərliyi belə şərh edib:

“Çətin səfər idi. Bunu bilirdik. “Zirə”yə rəqib meydanında qalib gəlmək çətindir. Bunun üçün çox əziyyət çəkmək lazımdır. İlk növbədə azarkeşlərə təşəkkür edirəm. Oyuna gəldikdə, üstünlük bizdə idi. Erkən qol vurduq. Daha sonra iki yüzfaizlik şansımız olsa da, onları boşa verdik. Bilirdik ki, rəqib azlıqda qaldıqdan sonra fasilədə əvəzetmələrlə əks hücuma bel bağlayacaqlar. Qorxduğumuz başımıza gəldi. Rəqib 11 metrədən hesabı bərabərləşdirdi. Yekunda bərabərə qaldıq. Çempionat çoix gərgin keçir. Hər xal vacibdir. Futbolçulara dedim ki, artıq qarşıdakı matçlara köklənməli və daha yaxşı oynamalıyıq”.

Daha sonra A.Abbasov jurnalistlərin suallarını cavablandırıb:

- Aydın Bayramovun vəziyyəti nə yerdədir?

- Zərbə üz nahiyəsinə olmuşdu. İstədi oyunu davam etdirsin, lakin sonradan başı gicəlləndi. Soyunub-geyinmə otağında pis deyildi. İnaşllah yaxşı olar.

- Azlıqda qalan rəqibi qapısına doğru sıxışdırsanız da, qələbə qolunu vurmaq mümkün olmadı. Bunun üçün nə çatmadı?

- Bzim də itkilərimiz var idi. Souza bir məşqdə iştirak etmişdi. Xəyal dünən zədələndi. Denis Marandiçi də yox idi. Həm də nəzərə almaq lazımdır ki, rəqib yaxşı müdafiə olunur. “Zirə” çempionatda ən az qol buraxan komandadır. Kompakt oynayırlar. Sona kimi nizam-intizamı qoruyurlar. Rəşad Sadıqov hər rəqibə görə komandasını hazırlayır. Bizə qarşı artıq ikinci dəfədir üç stoperlə oynayırlar. Bütün bu amillərə görə rəqibin müdafiəsini yarmaq çətinləşir.

- Bugünkü görüşlə ölkə kubokunun 1/8 final matçı arasında paralel aparmaq olar?

- Paralel aparmaq olar. Amma o oyunda biz qol burandan sonra “Zirə”nin böyük təzyiqi oldu. Amma bu gün qoldan sonra da nəzarət bizdə idi. Ümumi götürsək, həmişə “Zirə” ilə oyunlarımız həmişə maraqlı keçir.

- İsmayıl Zülfüqarlını bu gün sol cinah müdafiəçisi kimi meydana buraxmışdınız. O, nə dərəcədə effektli oldu?

- Ən real namizəd o idi. Slavik Alxasov da zədəlidi. İsmayıl əvvəlki klubunda da sol cinahda oynayıb. Müəyyən qədər o mövqe üçün təcrübəsi var. Məncə, pis çıxış etmədi.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30