Millimizin üzvü mövsümdəki qollarının sayını 8-ə çatdırdı

Niderland birinci divizionunda 27-ci turun oyunları keçirilir.

Futbolxeber.az saytının məlumatına görə, Azərbaycan millisinin yarımmüdafiəçisi Ozan Can Kökçünün də formasını geyindiyi “Eyndhoven” səfərdə “Venlo" ilə qarşılaşıb. Görüş 2:2 hesabı ilə başa çatıb.

Ozan start heyətdə meydana çıxıb. O, 55-ci dəqiqədə komandasının 2-ci qolunun müəllifi olub. Kökçü 89-cu dəqiqədə əvəzlənib.

Beləliklə, Ozan Can bu mövsüm vurduğu qolların sayını 8-ə çatdırıb.

Qeyd edək ki, “Eyndhoven” hazırda 33 xalla 14-cü pillədə qərarlaşıb.