"Zirə" və "Qarabağ" yarımfinalda

Bu gün Azərbaycan kubokunda 1/4 final mərhələsinin cavab oyunlarına start verilib.

Futbolxeber.az saytının məlumatına görə, ilk oyun günündə 2 cavab görüşü keçirilib.

Əvvəlcə "Zirə" öz meydanında "Səbail"i qəbul edib. Rəqibin qapısından 3 cavabsız qol keçirən Rəşad Sadıqovun komandası yarımfinala adlayıb.

"Qarabağ" isə ilk oyunda darmadağın etdiyi "Sabah"ı qəbul edib. 7 qolun vurulduğu matçda sevinən tərəf qonaqlar olsa da, 2 matçın nəticəsinə görə 10:5 hesabı ilə rəqibini üstələyən Qurban Qurbanovun komandası yarımfinala vəsiqə qazanıb.

Qeyd edək ki, 1/4 final mərhələsinin oyunlarına sabah keçiriləcək 2 görüşlə yekun vurulacaq.

Azərbaycan kuboku

1/4 final, cavab oyunları

8 fevral

"Qarabağ" - "Sabah" - 3:4

Qollar: Kristian Da Silva 5 (0:1), Jarl Marqarita, 27 (0:2), Hamidu Keyta, 30 (1:2), İshak Belfodil, 58 (1:3), Adama Diakabi, 61 (2:3), İshak Belfodil, 69-pen. (2:4), Maruan Hadudi, 74-avtoqol (3:4)

İlk oyun - 7:1.

Tofiq Bəhramov adına Respublika stadionu

"Zirə" - "Səbail" - 3:0

Qollar: Abbas İbrahim, 4, Rəhim Sadıxov, 42, Rafael Utsiq, 74

İlk oyun - 2:1.

Zirə Olimpiya Kompleksinin stadionu