2 Mart 2024, Şənbə
“Zirə” itirə-itirə gedir (YENİLƏNİB)
“Sumqayıt” “Kəpəz”ə məğlub oldu
Sezar Meza Kolli "Zirə"yə keçdi
İcraiyyə Komitəsinin qərarları

Ölkə futbolu

“Neftçi”nin qənimi: “Bu gün qol vuracağımı gözləyirdim”

“Neftçi”dən bu gün 1 xal aldıq. Səfərdə oynadığımızı, matçın gedişində hesabda geri düşdüyümüzü nəzərə alsaq, bu, yaxşı nəticədir”.

Futbolxeber.az saytına müsahibəsində bu sözləri “Araz-Naxçıvan”ın hücumçusu Orxan Əliyev deyib.

Azərbaycan Premyer Liqasının XIV turunda səfərdə “Neftçi”yə qarşı keçirilən oyunu (1:1) 28 yaşlı hücumçu belə şərh edib: “Maraqlı oyun alındı. Birinci hissədə diqqətsizlik qapımıza qol vurulması ilə nəticələndi. Lakin ikinci yarıda gedişatı dəyişə bildik. Sonda da olsa, fərqlənməklə yenilgidən qaçdıq. 1:1 hesabı yaxşı nəticədir”.

O.Əliyev rəqib haqda müsbət fikirlər səsləndirib: “Neftçi” yaxşı komandadır. Düzdür, biz bütün rəqiblərə hörmətlə yanaşırıq. Amma “Neftçi” sıradan bir rəqib deyil. Lakin bu o demək deyil ki, biz əvvəldən təslim olmalıyıq. Rəqibin kimliyindən asılı olmayaraq hər matça qalib gəlmək, xal qazanmaq üçün çıxırıq”.

İlk dövrədə vurduğu yeganə qolla “Araz-Naxçıvan”a “Neftçi” üzərində qələbə qazandıran hücumçu bu gün də fərqlənməklə komandasına 1 xal qazandırdı. “Neftçi”nin qəniminə çevrilən Orxan Əliyev rəqibi məyus edəcəyinə əvvəldən inandığını bildirib: “Bu gün qol vuracağımı gözləyirdim. Açıq deyim ki, fərqlənməyi çox istəyirdim. Şadam ki, istəyimə nail oldum”.

Cari mövsüm qollarının sayını 5-ə çatdıran Orxan Əliyev hazırda bombardirlər yarışında “Səbail”in yarımmüdafiəçi Pedro Nuno ilə birgə 3-4-cü yerləri bölüşdürməsindən də söz açıb: “Çalışacam ki, növbəti oyunlarda da fərqlənim. Vurduğum qollarla komandamın uğurunda pay sahibi olmaq istəyirəm. Qarşıma müəyyən bir məqsəd qoymuşam və ona çatmaq üçün əlimdən gələni edəcəm”.

O, “Araz-Naxçıvan”ın cari mövsümdəki hədəfi barədə də danışıb: “Məqsədimiz hər matçda uğurlu nəticə qazanmaq, turnir cədvəlində yaxşı mövqedə qərarlaşmaqdır. Cari mövsüm Premyer Liqada çox ciddi rəqabət var. Bu gün demək olar ki, bütün komandalar avrokuboklara getmək üçün mübarizə aparır. Biz də çalışacağıq ki, bacardığımız qədər çox xal yığaq”.

“Araz-Naxçıvan”ın forvardı komandadakı vəziyyətdən də söz açıb: “Hər şey qaydasındadır. Vəziyyətimiz çox yaxşıdır. Komandada hansısa bir problem yoxdur, hər şey əladır”.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31