15 Iyun 2024, Şənbə
Avro-2024-ün ilk qolu vuruldu
Musa Qurbanlı “Qarabağ”a qayıtdı
Avro-2024: Futbolxeber.az-la qazan!
Davit Volkov yenidən “Zirə”də

Ölkə futbolu

Samir Abasovdan qələbə şərhi

"Sumqayıt"ın baş məşqçisi Samir Abasov Azərbaycan Premyer Liqasının 12-ci turunda "Araz-Naxçıvan"a 2:0 hesabı ilə qalib gəldikləri oyunu şərh edib.

Futbolxeber.az saytının məlumatına görə, o, ilk növbədə azarkeşlərə təşəkkür edib: “Möhtəşəm idilər. Azarkeşlərimiz bugünkü qələbədə böyük pay sahibidirlər. Son oyunda xal itirdiyimiz üçün üzərimizdə təzyiq var idi. Həm də itkilərimiz olmuşdu. Oyunun gedişatı göstərdi ki, itkilərimizin yerini doldura bildik. Futbolçularımıza təşəkkür edirəm, yaxşı oynadılar. Kimlərəsə bu qələbə təəccüblüdürsə, deməli, futboldan anlayışı budur. Layiqli qələbə qazandıq. Son oyunlarda inkişafdayıq".

O, matç bitən kimi klub prezidenti ilə görüşməsinin səbəbi ilə bağlı söyləyib: "Sabahkı planlarımızla, futbolçuların bərpası ilə bağlı idi. Bilirsiz ki, biz bərpanı burada keçirik. Sabah üçün başqa şeylər istədik. 8 gündə 3 oyun keçirdik. Millidən gələnlər 13-14 gündə 5 matça çıxıblar. Klub tərəfindən heç bir istəyimiz rədd edilməyib".

Mütəxəssis ünvanladığı fikirlərin onu tənqid edən jurnalistlərə aid olub-olmadığı ilə əlaqədar deyib: "Xeyr. Bilmirəm kim məni tənqid edir. Sadəcə mən anlamıram ki, təəccüb nədən irəli gəlir. "Sumqayıt"ın qələbələrinin təəccüblü olmasını bir futbol adamı kimi anlamıram, anlamaq da istəmirəm".

S.Abbasov daha sonra vurğulayıb: "Bizim bəlamız da budur, turnir cədvəlinə görə analiz olunur. Xal fərqinə baxın. Bizim ikinci yerdə olan "Zirə" ilə 3 xal fərqimiz var. Əgər hər şeyi turnir cədvəli ilə ölçəcəksizsə, atın bu peşəni".

Baş məşqçi komandanın futbolçusu Kasimir Ninqanın durumu ilə sualı belə cavablandırıb: "Ona xüsusi təşəkkür düşür. O ağrılarla oynayasan, özün də legioner olasan. Elə legionerlər var ki, dırnağına qara düşən kimi deyir zədəliyəm. Bəlkə də onu ilin sonuna kimi itirdik".

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30