“Turan Tovuz”un yeni transferi bu gün gəlir - Baş məşqçidən açıqlama

Bir neçə gündür adı “Turan Tovuz”la yanaşı hallanan Alexandro Serrano Qarsiya bu gün klubun düşərgəsində olacaq.

Futbolxeber.az saytına bu barədə Tovuz klubunun baş məşqçisi Ayxan Abbasov məlumat verib.

O qeyd edib ki, ispan yarımmüdafiəçi bu gün komandaya qoşulacaq: “Alexandro Serrano Qarsiya birbaşa müqaviləyə gəlir. Onunla rəsmi sözləşmə imzalanacaq”.

Qeyd edək ki, Alexandro Serrano Qarsiya Xixon “Sportinq”inin yetirməsidir. 28 yaşlı yarımmüdafiəçi “Espanyol” və “Selta”nın ikinci komandalarında, “Salamanka”, “Malyorka” kimi klublarda forma geyib, eləcə də Polşa və Bolqarıstanda legioner həyatı yaşayıb.