Çəlikəldən qələbə şərhi: “...razıyıq”

"Qarabağ"ın direktoru Əmrah Çəlikəl Çempionlar Liqasının I təsnifat mərhələsinin cavab oyununda “Linkoln”u 4:0 hesabı ilə məğlub etdikləri qarşılaşmanı dəyərləndirib.

Futbolxeber.az saytına açıqlamasında Ə.Çəlikəl bildirib ki, oyundan-oyuna komanda inkişaf edir: “Şükür Allaha ki, mərhələni adladıq. Əsas odur ki, növbəti tura yüksəldik. Hər oyundan-oyuna sistemimiz oturuşur, futbolçular bir-birinə öyrəşir. Razıyıq”.

Klub rəsmisi növbəti rəqibləri olan Polşa çempionu “Rakuv” barədə də danışıb: “Polşa çempionu zəif rəqib deyil. Amma biz komandamıza güvənirik. İnşallah, bu mübarizədən də qalib ayrılarıq”.

Fərəc ASLANOV