Veşoviç: “İlk oyunla müqayisədə bu dəfə daha yaxşı oynadıq”

“Qalib gəldiyimiz üçün sevinirik. İkinci mərhələyə yüksəldik. İlk oyunla müqayisədə bu dəfə daha yaxşı oynadıq. Azarkeşlərimiz önündə gözəl futbol sərgilədik”.

Futbolxeber.az saytının məlumatına görə, bu sözləri “Qarabağ”ın üzvü Marko Veşoviç “Linkoln”u 4:0 hesabı ilə məğlub etdikləri oyundan sonra deyib.

O, komandanın hazırda yaxşı durumda olduğunu bildirib: “Son 1 həftədə bu matça ciddi hazırlaşdıq. Faydasını da bu gün meydanda gördük. Hazırkı performansımız bizi qane edir”.  

Monteneqrolu futbolçu növbəti mərhələdə qarşılaşacaqları “Rakuv” barədə də fikirlərini açıqlayıb: “Bəli, qışda hazırlıq matçında Polşa çempionuna uduzmuşduq. Bu dəfə tam fərqli oyun olacaq. Üçüncü mərhələyə vəsiqə uğrunda mübarizə gedəcək. Təbii ki, asan qarşılaşma gözləmir bizi. Hazırlaşmaq üçün vaxtımız var. İnanıram ki, qarşıdakı mərhələni də uğurla adlayacağıq”.

Azad NURİYEV