“Qəbələ” İsrail millisinin hücumçusunu transfer etdi

“Qəbələ” növbəti transferini reallaşdırıb.

Futbolxeber.az saytına açıqlamasına bu barədə komandanın baş məşqçisi Elmar Baxşıyev məlumat verib. Təcrübəli mütəxəssis bildirib ki, israilli hücumçu Osama Xalaila heyətə cəlb olunub. Mütəxəssis qeyd edib ki, 25 yaşlı forvard tezliklə komandanın düşərgəsinə qoşulacaq.

Qeyd edək ki, Xalaila peşəkar karyerasına “Bney Şahnin”də başlayıb. 2017-2021-ci illər aralığında bu klubun heyətində 70 matçda 17 qol vurub. Daha sonra Tel-Əviv “Makkabi”sinə transfer olunan 25 yaşlı forvard paytaxt təmsilçisində 14 matçda 2 dəfə fərqlənib. Son mövsümü isə Osama Xalaila icarə əsasında “Makkabi Bney Reineh”də keçirib (24 görüş, 1 qol).

İsrailin U-18, U-19 və U-21 millilərində çıxış etdikdən sonra 2021-ci ildə Xalaila əsas yığmaya cəlb olunub. O, millidə cəmi 1 matçda forma geyib.

Futbolxeber.az-ın teleqram kanalına abunə olun