“Sabah” “Krasnodar”ın hücumçusuna ildə 300 min dollar ödəməyə hazırdı

“Krasnodar”ın hücumçusu Maqomed-Şapi Süleymanov karyerasını “Sabah”da davam etdirə bilər.

Futbolxeber.az saytının “Legalbet”ə istinadən verdiyi məlumata görə, paytaxt klubu Süleymanova Aleksey Kaşukun əvəzləyicisi gözü ilə baxır.

“Sabah” qış transfer pəncərəsi zamanı transfer etmək şərti ilə “Krasnodar”ın hücumçusunu icarəyə götürmək istəyir. Bildirilir ki, Azərbaycan klubu Maqomed-Şapi Süleymanova “Hapoel”də qazandığı qədər – ildə 250-300 min dollar ödəməyə hazırdı.  

Süleymanov son mövsümü icarə əsasında “Hapoel”də keçirib. O, İsrail təmsilçisinin heyətində 35 matçda meydana çıxıb, 5 qol vurub, 6 məhsuldar ötürmə müəllifi olub.

Qeyd edək ki, daha əvvəl “Rubin”in də Maqomed-Şapi Süleymanovlə maraqlandığı deyilirdi.  

Futbolxeber.az-ın teleqram kanalına abunə olun