“Qəbələ” və “Sabah”ın da potensial rəqiblərinin sayı azaldı

Azərbaycan klubları “Sabah” və “Qəbələ”nin UEFA Konfrans Liqasının II təsnifat mərhələsindəki potensial rəqiblərinin sayı azalıb.

Futbolxeber.az saytının məlumatına görə, UEFA yarış iştirakçılarını qruplaşdırıb.

“Sabah” bu raundda ÇFR (Rumıniya), “Hapoel” (Beer-Şeva, İsrail), “Legiya” (Polşa), “Dunayska Streda” (Slovakiya) - “Dila” (Gürcüstan) cütünün qalibi və ya “Makedoniya” (Şimali Makedoniya) - RFŞ (Latviya) cütünün qalibi ilə qarşılaşacaq.

“Qəbələ” isə “Fənərbaxça” (Türkiyə), PAOK (Yunanıstan), “Omonoiya” (Kipr), “Vaduts” (Lixtenşteyn) - “Neman” (Belarus) cütünün qalibi və ya “Hegelmann (Litva) – “Şkupi” (Şimali Makedoniya) cütünün qalibinə rəqib olacaq.

Qeyd edək ki, Konfrans Liqasında II təsnifat mərhələsinin püşkü bu gün atılacaq.

Futbolxeber.az-ın teleqram kanalına abunə olun