AFFA 5 klubu cərimələdi

Bu gün AFFA İntizam Komitəsinin növbəti iclası keçirilib.

Futbolxeber.az-ın PFL-in saytına istinadən verdiyi məlumata görə, bu gün keçirilən iclasında aşağıdakı qərarlar qəbul edilib:

21.04.2023-cü il tarixində Azərbaycan Premyer Liqasının XXXI turunun “Qarabağ” - “Zirə” oyununda “Qarabağ” klubunun 4 futbolçusu sarı vərəqə ilə cəzalandığına görə “Qarabağ” klubu 800 manat cərimə edilir;

21.04.2023-cü il tarixində Azərbaycan Premyer Liqasının XXXI turunun “Qarabağ” - “Zirə” oyunu bitdikdən sonra meydançaya kənar şəxslər daxil olduğuna görə “Qarabağ” klubu 1600 manat cərimə edilir;

21.04.2023-cü il tarixində Azərbaycan Premyer Liqasının XXXI turunun “Qarabağ” - “Zirə” oyunu bitdikdən sonra “Zirə” klubunun “A buraxılışı” olmayan nümayəndələrinin meydançaya daxil olmasına görə “Zirə” klubu 800 manat cərimə edilir;

21.04.2023-cü il tarixində Azərbaycan Premyer Liqasının XXXI turunun “Qarabağ” - “Zirə” oyununda “Zirə” klubu İntizam Məcəlləsinin 50.7 bəndini pozduğuna görə “Zirə” klubu 2000 manat cərimə edilir;

22.04.2023-cü il tarixində Azərbaycan Premyer Liqasının XXXI turunun “Səbail” - “Neftçi” oyununda “Səbail” klubunun 4 futbolçusu sarı vərəqə ilə cəzalandığına görə “Səbail” klubu 800 manat cərimə edilir;

23.04.2023-cü il tarixində Azərbaycan Premyer Liqasının XXXI turunun “Sumqayıt” - “Qəbələ” oyununa Təcili Tibbi Yardım maşını təyin olunan vaxtdan gec gəldiyinə görə “Sumqayıt” klubu 400 manat cərimə edilir;

23.04.2023-cü il tarixində Azərbaycan Premyer Liqasının XXXI turunun “Sumqayıt” - “Qəbələ” oyununda meydançaya kənar əşyaların atılması görə “Sumqayıt” klubu 1600 manat cərimə edilir;

23.04.2023-cü il tarixində Azərbaycan Premyer Liqasının XXXI turunun “Sumqayıt” - “Qəbələ” oyununda “Qəbələ” klubunun 6 futbolçusu sarı vərəqə ilə cəzalandığına görə “Qəbələ” klubu 800 manat cərimə edilir.